„Hann er að glíma við sín vandamál en vandamálin eru líka í liðinu og vandamál liðsins eru vandamál félagsins," skrifar Lowe.

Antoine Griezmann, þriðji dýrasti leikmaður í sögu Barcelona, lék örfáar mínútur gegn Atletico Madrid. Annar dýrasti, Ousmane Dembele, er enn og aftur á meiðslalistanum og sá dýrasti, Philippe Coutinho, er á láni í München því ekki hefur tekist að selja hann.

„Coutinho átti að fylla skarð Inista og Arthur Melo átti að fylla skarð Xavi. En Arthur er kominn til Juventus í skiptum fyrir Miralem Pjanic. Ákvörðun sem var tekin af fjárhagslegum ástæðum frekar en fótboltalegum."

Lowe segir að æðstu menn Barcelona hafi verið í afneitun lengi og ekki brugðist við vísbendingum um að liðið hafi verið á öruggri niðurleið.

„Neymar, maðurinn sem átti að spila með Messi og taka á endanum við af honum, ætti að taka við burðarhlutverki núna. En hann varð óþolinmóður og Barcelona hafði ekki krafta til að koma í veg fyrir að hann færi 2018. Síðan hefur félagið reynt að fá hann til baka en ekki haft peninga til að klára það."

11 af 21 stjórnarmönnum Barcelona sem voru þegar forsetatíð Josep Maria Bartomeu hófst. Það hafa verið fjórir yfirmenn íþróttamála á hans tíma. Vandamálin bak við tjöldin eru gríðarlega mörg og leikmenn hafa verið í deilum við stjórnina um launamál.

Í jafnteflisleiknum gegn Celta Vigo um síðustu helgi virtust Lionel Messi, Luis Suarez og Ivan Rakitic hunsa aðstoðarþjálfarann Ede Sarabia. Fjölmiðlar töluðu um ólgu í klefanum og á mánudagskvöld fór forsetinn í heimsókn til Setien.

Hér má lesa greinina frá Sid Lowe