Naby Keita
Naby Keita og Joel Matip eru báðir byrjaðir að æfa á nýjan leik með Liverpool og þeir gætu komið við sögu gegn Atalanta í Meistaradeildinni annað kvöld.
Keita og Matip hafa misst af síðustu leikjum vegna meiðsla. Virgil van Dijk er einnig meiddur og því hafa Fabinho, Rhys Williams og Nathaniel Phillips fyllt í skarðið í vörninni í síðustu leikjum.
Matip gæti snúið aftur í vörnina annað kvöld en Jurgen Klopp, stjóri Liverpool, á eftir að taka ákvörðun þess efnis.
„Naby og Joel æfðu á fullu í gær en við höfum ekki tekið neina ákvörðun ennþá. Við þurfum að bíða eftir að læknaliðið gefur grænt, gult eða rautt ljós. Við erum komnir með fleiri miðverði," sagði Klopp á fréttamannafundi í dag.
Thiago Alcantara og Fabinho eru báðir áfram á meiðslalistanum hjá Liverpool ásamt Van Dijk.
Athugasemdir
