Landsliðsmarkvörðurinn Hannes Þór Halldórsson leikur sinn síðasta leik fyrir Sandnes Ulf á mánudaginn þegar liðið mætir Honefoss.
Hannes Þór mun síðan fljúga til Hollands og semja við hollenska félagið NEC Nijmegen, sem nýverið tryggði sér sæti í hollensku úrvalsdeildinni, Eredivisie.
Sandnes Ulf er búið að samþykkja tilboð í Hannes og nú á Hannes aðeins eftir að fara og klára sín mál.
„Það er frábært að samkomulag hafi náðst. Nú eru bara örfá atriði eftir og þetta ætti að vera orðið klárt um helgina," sagði Hannes í samtali við fótbolti.net.
Athugasemdir
