Tottenham hafnaði tilboðum frá Newcastle og Aston Villa
Mynd: Getty Images
Mynd: EPA
Mynd: Getty Images
Newcastle United og Aston Villa reyndu að krækja sér í brasilíska framherjann Lucas Moura frá Tottenham á lokadegi sumargluggans.
Bæði félög höfðu sýnt honum áhuga yfir sumarið en hvorugu tókst að semja við Tottenham. Antonio Conte hefur not fyrir Lucas þó hann sé búinn að falla aftar í goggunarröðinni eftir komu Richarlison.
Lucas er 30 ára hægri kantmaður sem getur einnig spilað á vinstri kanti og í fremstu víglínu. Hann á 35 landsleiki að baki Brasilíu og yfir 200 leiki fyrir bæði PSG og Tottenham.
Hann verður samningslaus næsta sumar og hefur þá möguleika á að skipta um félag á frjálsri sölu.
Lucas skoraði 6 mörk í 45 leikjum með Tottenham á síðustu leiktíð og telur félagið mikilvægara að hafa hann áfram sem auka leikmann í hópnum frekar en að fá lága summu í kassann og eiga hættu á manneklu vegna leikjaálags og meiðslavandræða.
Newcastle wanted Lucas Moura as they approached Tottenham during Deadline Day, same for Aston Villa. Spurs decided to keep the player, never been advanced. ⚪️🇧🇷 #THFC
— Fabrizio Romano (@FabrizioRomano) September 2, 2022
Lucas future remains open as he’s out of contract in June 2023 and there are chances for a free move. pic.twitter.com/EH3II847FD
Mynd: EPA
