„Þetta er heillandi saga sem veitir manni andagift. Að spila á Kenilworth Road verður öðruvísi upplifun, við höfum þegar rætt það við leikmenn. En þeir eru jákvæðir, þetta er enski boltinn, deildin okkar,“ segir Arteta.

Kenilworth Road tekur 11.500 manns og er svo sannarlega leikvangur af gamla skólanum.

„Luton hefur komist aftur upp í deild þeirra bestu á ótrúlegan hátt, þeir hafa lent í svo miklu mótmæli. Þeir geta verið fyrirmynd fyrir öll félög í deildinni. Félag sem hefur gert magnaða hluti, þetta er ótrúlega falleg saga og þeir eiga allt hrós skilið."

„Liðið hefur verið að ná öflugum úrslitum og líka spilað leiki þar sem þeir hafa verið gríðarlega nálægt því. Við búumst við mikilli ákefð og erfiðum leik."

Arsenal er á toppi deildarinnar og en liðið verður án Takehiro Tomiyasu í kvöld þar sem hann er að glíma við smávægileg meiðsli. Thomas Partey, Emile Smith Rowe, Fabio Vieira og Jurrien Timber eru áfram fjarverandi.

Punktar varðandi leikinn:

- Þetta er fyrsti mótsleikur milli þessara liða síðan Luton vann Arsenal 1-0 á öðrum degi jóla 1991. Mick Harford skoraði eina markið á Kenilworth Road.

- Arsenal er án sigurs í síðustu tíu útileikjum gegn Luton í deild og bikar, síðan liðið vann þá 2-1 í janúar 1984.

- Luton er eitt af þremur liðum í deildinni sem hefur ekki náð að halda marki sínu hreinu í neinum leik. Hin eru Brighton og Sheffield United.

- Luton hefur skorað í öllum heimaleikjum sínum fyrir utan einn í ensku úrvalsdeildinni á þessu tímabili.

- Jacob Brown vonast til að skora fyrir Luton í þriðja deildarleiknum í röð, í fyrsta sinn síðan hann gerði það í C-deildinni með Barnsley 2019.

- Arsenal hefur unnið þrjá útileiki á þessu tímabili 1-0.

- Arsenal hefur haldið marki sínu hreinu í fjórum útileikjum í ensku úrvalsdeildinni á þessu tímabili. Liðið hefur aðeins fengið á sig þrjú mörk á útivöllum.

- Arsenal hefur unnið síðustu sjö deildarleiki sem liðið hefur spilað í desember.

- Bukayo Saka mun spila sinn 200. leik fyrir Arsenal í öllum keppnum. Hann er 22 ára og 91 daga gamall og verður næst yngstur til að ná þessum áfanga fyrir Arsenal, á eftir Cliff Bastin 1934.

Líklegt byrjunarlið Luton:
Kaminski; Osho, Mengi, Bell; Kabore, Mpanzu, Barkley, Giles; Townsend, Brown, Ogbene

Líklegt byrjunarlið Arsenal:
Raya; White, Saliba, Gabriel, Zinchenko; Ödegaard, Rice, Havertz; Saka, Jesus, Trossard