Onana til Villa - Klopp hefur ekki áhuga á enska landsliðsþjálfarastarfinu - Atletico vill Alvarez
   fös 07. júní 2024 22:12
Brynjar Ingi Erluson
Lengjudeildin: Jafntefli í báðum leikjum kvöldsins
Lengjudeildin
Oliver Heiðars skoraði fyrir Eyjamenn
Oliver Heiðars skoraði fyrir Eyjamenn
Mynd: Fótbolti.net
Grímur Ingi náði í stig fyrir Gróttu
Grímur Ingi náði í stig fyrir Gróttu
Mynd: Fótbolti.net - Eyjólfur Garðarsson
Báðum leikjum kvöldsins í Lengjudeild karla lauk með jafntefli.

ÍR og ÍBV gerðu 2-2 jafntefli á ÍR-vellinum í Breiðholti.

Oliver Heiðarsson var ekki lengi að koma Eyjamönnum yfir. Sverrir Páll Hjaltested sendi Oliver í gegn sem skoraði. Skelfileg byrjun heimamanna sem voru lenti undir eftir tæpa mínútu.

Þeir svöruðu hins vegar fyrir sig. Bragi Karl Bjarkason jafnaði metin á 8. mínútu eftir góða sókn ÍR-inga. Hann keyrði í átt að teignum og lét vaða með hörkuskoti í slá og inn.

Sæþór Ívan Viðarsson náði að snúa við taflinu fyrir ÍR-inga á 40. mínútu. Ágúst Unnar Kristinsson fékk boltann hægra megin kom honum á Sæþór sem skoraði.

Eyjamenn komu af krafti inn í síðari hálfleikinn. Sverrir Páll jafnaði á 52. mínútu eftir sendingu Vicente Valor á fjærstöngina. Lá nokkurn veginn í loftinu.

Gestirnir voru líklegir til að stela öllum stigunum af ÍR-ingum, en heimamenn héldu út og lokatölur 2-2. ÍR er í 8. sæti með 6 stig en ÍBV með 7 stig í 5. sæti.

Grótta og Þróttur gerðu 1-1 jafntefli á Vivaldi-vellinum á Seltjarnarnesi.

Gestirnir í Þrótti skoruðu sitt mark eftir 25 mínútu.. Viktor Andri Hafþórsson fékk boltann hægra megin, tók nokkrar léttar gabbhreyfingar áður en hann setti boltann á hægri fótinn og lagði hann í vinstra hornið.

Grímur Ingi Jakobsson jafnaði fyrir Gróttu undir lok hálfleiksins og snemma í þeim síðari var Patrik Orri Pétursson nálægt því að koma heimamönnum yfir en langskot hans hafnaði í þverslá.

Liðunum tókst ekki að bæta við mörkum og lokatölur því 1-1. Grótta er í 3. sæti með 10 stig og Þróttur í 9. sæti með 5 stig.

Úrslit og markaskorarar:

ÍR 2 - 2 ÍBV
0-1 Oliver Heiðarsson ('1 )
1-1 Bragi Karl Bjarkason ('9 )
2-1 Sæþór Ívan Viðarsson ('41 )
2-2 Sverrir Páll Hjaltested ('52 )
Lestu um leikinn

Grótta 1 - 1 Þróttur R.
0-1 Viktor Andri Hafþórsson ('25 )
1-1 Grímur Ingi Jakobsson ('45 )
Lengjudeild karla
Lið L U J T Mörk mun Stig
1.    Fjölnir 13 9 3 1 27 - 13 +14 30
2.    Njarðvík 13 7 3 3 25 - 17 +8 24
3.    ÍBV 12 5 4 3 24 - 15 +9 19
4.    ÍR 13 5 4 4 19 - 18 +1 19
5.    Keflavík 13 4 6 3 17 - 14 +3 18
6.    Þór 12 4 5 3 21 - 18 +3 17
7.    Grindavík 13 4 5 4 21 - 24 -3 17
8.    Afturelding 13 5 2 6 20 - 26 -6 17
9.    Þróttur R. 12 4 3 5 20 - 18 +2 15
10.    Leiknir R. 13 4 0 9 15 - 23 -8 12
11.    Grótta 13 2 4 7 19 - 32 -13 10
12.    Dalvík/Reynir 12 1 5 6 12 - 22 -10 8
Athugasemdir
banner
banner
banner