Ragnar bað sjálfur um að fara
Ragnar Sigurðsson.
Rostov hefur sent frá sér yfirlýsingu vegna frétta í rússneskum fjölmiðlum í dag um íslenska landsliðsmanninn Ragnar Sigurðsson.
Ragnar komst að samkomulagi um starfslok hjá Rostov í síðasta mánuði og skoðar nú næstu skref sín á ferlinum en hann hefur verið orðaður við FC Kaupmannahöfn sem og Gaziantep og Trabzonspor í Tyrklandi.
Rússneskir fjölmiðlar sögðu í dag að Ragnar hafi verið leystur undan samningi hjá Rostov vegna alvarlegra áfengisvandamál. Rostov hefur blásið á þessar sögur með yfirlýsingu.
Ragnar komst að samkomulagi um starfslok hjá Rostov í síðasta mánuði og skoðar nú næstu skref sín á ferlinum en hann hefur verið orðaður við FC Kaupmannahöfn sem og Gaziantep og Trabzonspor í Tyrklandi.
Rússneskir fjölmiðlar sögðu í dag að Ragnar hafi verið leystur undan samningi hjá Rostov vegna alvarlegra áfengisvandamál. Rostov hefur blásið á þessar sögur með yfirlýsingu.
Yfirlýsing Rostov
Þann 8. janúar birtust ærumeiðandi upplýsingar í fjölmiðlum um Ragnar Sigurðsson, fyrrum fyrirliða Rostov.
Fréttir um „alvarleg áfengisvandamál" leikmannsins eru ekki réttar. Á tæplega tveimur árum hjá félaginu var Ragnar góður atvinnumaður og manneskja sem var alltaf hægt að treysta á í erfiðum aðstæðum. Þess vegna bar hann fyrirliðabandið á þessu tímabili.
Eftir góða spilamennsku var íslenski leikmaðurinn einnig valinn í úrvalsliðið í undankeppni EM 2020.
Samningi fyrirliðans var sagt upp að beiðni hans. Við komum til móts við Sigurðsson því að við eru þakklátir fyrir tryggð hans í öllum leikjum liðsins og góða mannlega eiginleika. Við viljum því biðja fjölmiðla um að birta ekki óstaðfestar upplýsingar.
Athugasemdir
