| mið 10. febrúar 2021 09:26 |
|
Conte sýndi fyrrum yfirmanni sínum puttann
Conte var heitt í hamsi í gær.
Það gekk ýmislegt á utan vallar meðan á leik stóð en Antonio Conte, stjóri Inter, kallaði eftir því í viðtölum eftir leik að Juventus myndi sína Inter meiri virðingu
Það náðist á myndband þegar Conte sýndi forseta Juventus, Andrea Agnelli, miðjufingurinn í hálfleik. Conte er fyrrum leikmaður og stjóri Juventus og var reiður út í gamla yfirmann sinn í gær.
Agnelli á að hafa öskrað „fokk off" á Conte eftir leikinn og sagt er að rifrildið hafi haldið áfram í göngunum.
Conte vildi ekki fara út í það hvað gekk á þegar hann var spurður eftir leik.
„Þeir ættu að sýna meiri kurteisi, það er mín skoðun. Það þarf íþróttamannslegri framkomu og virðingu," sagði Conte pirraður eftir leik.
Þegar Conte var beðinn um að útskýra þetta nánar sagðist hann ekki hafa löngun til að tjá sig meira.
Antonio Conte keeping things spicy pic.twitter.com/YShNCpjtjI
— Football Rascal (@FootballRascal) February 10, 2021
Athugasemdir
Nýjustu fréttirnar
17:01
