United var 1-0 undir í hálfleik en kom til baka og vann leikinn með þremur mörkum gegn einu.

„Stundum er fótboltinn svona. Við vorum ekki góðir fyrstu 30 mínúturnar en við vorum með yfirburði í seinni hálfleik."

McTominay segir að dómarinn hafi gert mistök þegar hann tók mark af Man Utd í fyrri hálfleik. Edinson Cavani skoraði en markið var dæmt af þar sem McTominay var dæmdur brotlegur í aðdragandanum.

„Það var algjört óréttlæti en þú verður bara að halda áfram. Það er mjög gott að ná í þrjú stig úr mjög erfiðum leik."

„Við skulduðum Tottenham alvöru leik og þetta var miklu betra en síðast," sagði McTominay en United tapaði 6-1 gegn Spurs fyrr á tímabilinu.