Dragan Stojanovic.
„Ég ætla að byrja á því að hrósa Dragan Stojanovic. Ógeðslega klókur þjálfari sem veit hvað hann er að gera og kann þetta allt. Hann hefur þjálfað í mörg ár og er með skýrt plan," segir Baldvin Már Borgarsson í Innkastinu þar sem rætt var um það afrek Dalvíkur/Reynis að vinna 2. deildina og komast upp í Lengjudeildina.
Í útvarpsþættinum Fótbolti.net talaði Tómas Þór Þórðarson um Dragan sem einn vanmetnasta þjálfara landsins og Baldvin tekur undir það. Dragan hefur þjálfað Fjarðabyggð, Þór Akureyri, Völsung, kvennalið Þórs/KA og KF á sínum ferlinum.
Í útvarpsþættinum Fótbolti.net talaði Tómas Þór Þórðarson um Dragan sem einn vanmetnasta þjálfara landsins og Baldvin tekur undir það. Dragan hefur þjálfað Fjarðabyggð, Þór Akureyri, Völsung, kvennalið Þórs/KA og KF á sínum ferlinum.
„Dalvík/Reynir er ekki flugeldasýningalið en þeir kunna þetta og vita hvað þeir þurfa að gera. Þeir skila því sem þarf í hvern og einn leik. Dragan stendur fastur á sínu og það kemst enginn upp með neitt kjaftæði, hann er með þennan serbneska aga og leggur leikina upp eins og hentar hverju sinni," segir Baldvin.
Fyrir tímabilið fékk Dalvík/Reynir til sín Áka Sölvason að nýju en hann lék með Völsungi á síðasta tímabili. Baldvin segir að það hafi verið lykilatriði í árangri liðsins.
„Áki er tengdasonur formannsins. Það var guðsgjöf fyrir Dalvík/Reyni því hann er geggjaður leikmaður í þessa deild og hefur raðað inn mörkum og stoðsendingum. Dalvík strögglaði í byrjun móts þegar hann var meiddur en liðið hefur verið á skriði síðan hann kom til baka."
Baldvin talar um að Dalvík/Reynir hafi komið sér bakdyramegin inn í toppbaráttuna en í þættinum var einnig rætt um aðstöðuna á Dalvík og burði liðsins til að gera gott mót í Lengjudeildinni á næsta tímabili.
Stöðutaflan
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 0 | 0 | 0 | 0 | 0 | 0 | 0 | 0 | 0 | |
Athugasemdir
