Tindastóll laut í lægra haldi fyrir Njarðvík 0-1 á Sauðárkróksvelli í dag, eftir að hafa fengið á sig mark í uppbótartíma, og eru því fallnir úr bikar þetta árið.
„Svekkjandi tap en bara hvernig seinni hálfleikur þróaðist, við sátum alveg ægilega langt niðri og þeir voru í sókn. Nikola gerði svakalega vel í markinu og vörnin var nú að halda en svo var bara eitt fast leikatriði og þá sprakk þetta aðeins. Það er svona gífurlega svekkjandi að fá þetta úr föstu leikatriði en ógeðslega stoltur af strákunum og þetta var svakalega skemmtilegur leikur." Sagði Konni, Konráð Freyr Sigurðsson þjálfari Tindastóls eftir leikinn.
Lestu um leikinn: Tindastóll 0 - 1 Njarðvík
„Við lögðum svona aðeins fyrir leikinn að taka orkustigið upp á eitthvað annað level og við náðum því í fyrri hálfleik. Náðum svona aðeins að komast inn í þá en þeir eru bara með ótrúlega gott lið og það er bara staðan. Að horfa á síðustu leiki hjá þeim og upplifa að spila við þá núna, þeir eru bara með svaka sterkt lið."
„Þetta er bara svona ævintýri, ævintýri að taka einn leik við sterkari andstæðinga og við lið sem eru í deildum fyrir ofan okkur. Þetta er svona ævintýri fyrir strákana sem eru að spila, ævintýri fyrir mig og ævintýri fyrir klúbbinn að fá svona gott lið á leikinn, það skemmir ekki fyrir."
„Við erum að fara lagfæra varðandi til dæmis sóknaráherslur og svoleiðis. Það eru leikmenn að koma inn, við munum bæta við okkur en þetta verður bara skemmtilegt framhald."
Horfðu á viðtalið í spilaranum hér að ofan
