Andrew Redmayne, varamarkvörður ástralska landsliðsins, var hetjan í gær er hann kom liðinu á HM eftir sigur á Perú í vítakeppni, en það voru danshreyfingar hans sem gerðu gæfumuninn.
Redmayne sat á bekknum allan leikinn eða alveg fram að vítakeppninni er Graham Arnold, þjálfari liðsins, ákvað að skipta honum inná fyrir Matty Ryan.
Arnold reyndi þarna að framkvæma það sama og Louis van Gaal gerði með hollenska landsliðinu á HM 2014 er hann skipti Tim Krul inn fyrir Jasper Cillessen í sigrinum á Kosta Ríka í 8-liða úrslitum. Arnold tókst að leika það eftir.
Redmayne dansaði á marklínunni og reyndi allt til að taka leikmenn Perú á taugum. Einn leikmaðurinn skaut í stöng og svo varði hann síðasta vítið og tryggði þannig liði sínu á lokamótið.
Hægt er að sjá þessa tilburði í myndskeiðinu hér fyrir neðan.
Goalkeeper Andrew Redmayne... Came off the bench for Australia in the final minute of extra time just for penalty shoot-out... He did this dance on the line every time... And for the critical penalty kick it worked! pic.twitter.com/hUb2g9Mevd
— Simon Sandiford (@SimonUpNorth) June 13, 2022
Athugasemdir