Championship: Leeds kom til baka eftir að hafa lent tveimur mörkum undir

Jayden Bogle skoraði jöfnunarmark Leeds

Mynd: Leeds

Jayden Bogle skoraði jöfnunarmark Leeds

Mynd: Leeds

Topplið Leeds United tókst að bjarga andliti er liðið gerði 2-2 jafntefli við QPR í 38. umferð ensku B-deildarinnar í dag.

Leedsarar lentu tveimur mörkum undir á fyrsta hálftímanum. Koki Saito skoraði með laglegu skoti á 17. mínútu leiksins og þrettán mínútum síðar tvöfaldaði Steve Cook forystuna.

Stuðningsmenn Leeds trúðu varla sínum eigin augum enda hafði liðið verið með góða stjórn á leiknum.

Gestirnir komust inn í leikinn á 40. mínútu er Morgan Fox stýrði boltanum í eigið net eftir fyrirgjöf Manor Solomon og jafnaði síðan Jayden Bogle metin í upphafi síðari.

Leedsarar reyndu að þrýsta inn sigurmarki á lokakafla leiksins en þeir höfðu ekki erindi sem erfiði. Saito, annar markaskorara QPR, fékk rauða spjaldið á lokamínútunum fyrir ljótt brot seint í uppbótartíma en það kom ekki að sök. Leeds er samt sem áður áfram með þriggja stiga forystu á toppnum þegar átta leikir eru eftir en QPR í 14. sæti með 45 stig.

Millwall marði á meðan 1-0 sigur á Stoke City með marki Mihailo Ivanovic úr vítaspyrnu seint í uppbótartíma. Sigurmarkið var mikilvægt fyrir Millwall sem gerir sér enn vonir um að komast í umspil en liðið er í 11. sæti með 51 stig, fimm stigum frá umspilssæti.

QPR 2 - 2 Leeds
1-0 Koki Saito ('17 )
2-0 Steve Cook ('30 )
2-1 Morgan Fox ('40 , sjálfsmark)
2-2 Jayden Bogle ('51 )
Rautt spjald: Koki Saito, QPR ('90)

Millwall 1 - 0 Stoke City
1-0 Mihailo Ivanovic ('90 , víti)

Stöðutafla

#	Lið	L	mun	Stig
1	Swansea	4	+6	10
2	QPR	4	+5	10
3	Middlesbrough	4	+3	9
4	Charlton Athletic	4	+2	9
5	West Brom	4	+2	9
6	Wolves	4	+3	7
7	Bristol City	4	+1	7
8	Birmingham	4	+1	6
9	Sheffield Utd	4	+1	6
10	Millwall	4	-1	6
11	West Ham	4	+1	5
12	Wrexham	4	+1	5
13	Blackburn	4	0	5
14	Watford	4	-1	5
15	Bolton	4	-1	4
16	Derby County	4	-2	4
17	Lincoln City	4	-2	4
18	Southampton	4	+5	3
19	Cardiff City	4	-2	3
20	Norwich	4	-2	3
21	Portsmouth	4	-3	3
22	Stoke City	4	-5	3
23	Burnley	4	-6	1
24	Preston NE	4	-6	0