Willum Þór Willumsson.
Willum Þór Willumsson, leikmaður BATE Borisov, hefur verið kallaður inn í A-landsliðið sem mætir Englandi í Þjóðadeildinni á miðvikudaginn.
Willum er að spila með U21 landsliðinu sem nú er að leika gegn Írlandi en með því að smella hérna má fylgjast með leiknum.
Willum er að spila með U21 landsliðinu sem nú er að leika gegn Írlandi en með því að smella hérna má fylgjast með leiknum.
Willum er 22 ára miðjumaður og á einn A-landsleik en það var vináttuleikur gegn Eistlandi í janúarverkefni í Katar á síðasta ári.
Samkvæmt heimildum Fótbolta.net verður Willum einn af fimm leikmönnum í U21 hópnum sem koma inn í A-landsliðið fyrir Englandsleikinn.
Áður hafði verið tilkynnt að Ísak Bergmann Jóhannesson og Sveinn Aron Guðjohnsen kæmi inn í hópinn.
Athugasemdir
