Landsliðskonan Gunnhildur Yrsa Jónsdótir spilaði allan leikinn síðastliðna nótt þegar Orlando Pride hóf vegferð sína í bandarísku deildinni á þessu tímabili.
Orlando Pride fékk Washington Spirit í fyrstu umferð deildarinnar. Staðan var markalaus í hálfleik.
Gestirnir frá Washington tóku forystuna þegar stundarfjórðungur tæpur var eftir af venjulegum leiktíma en forystan entist aðeins í átta mínútur því bandaríska landsliðskonan Alex Morgan jafnaði fyrir Orlando á 84. mínútu.
Lokatölur 1-1 og Orlando er búið að setja sitt fyrsta stig á töfluna á þessari leiktíð.
Gunnhildur spilaði í hægri bakverði en fyrir framan hana á vellinum var brasilíska ofurstjarnan Marta. Gunnhildur skipti yfir í Orlando frá Kansas City Royals fyrir þetta tímabil.
Athugasemdir