Þessi 34 ára gamli framherji hefur fengið fáar mínútur með Chelsea á þessari leiktíð. Hann hefur leikið 154 mínútur og skorað eitt mark en það kom í enska deildabikarnum.

Hann var nálægt því að yfirgefa Chelsea í janúar en það varð þó ekkert úr félagaskiptunum.

Giroud er annar markahæsti leikmaður franska landsliðsins frá upphafi og á aðeins níu mörk í Thierry Henry.

„Staða Giroud hjá Chelsea er ekki góð. Hann mun ákveða hvað hann gerir. Hann er með styrkinn og hugarfarið til að spila fyrir Frakkland og ég vona að hlutirnir breytist fyrir hann í janúar og hann fái meiri spiltíma," sagði Deschamps.

„Eftir það verður hann í hópnum eða ekki. Hann veit hvað mér finnst um þetta og ég hef sagt honum það. Ég gleymi því ekki hvað hann er fær um að gera."