Andri Fannar skoraði þriðja mark Elfsborg
Andri Fannar Baldursson var á skotskónum er Elfsborg vann auðveldan 5-2 sigur á Pafos frá Kýpur í 1. umferð í forkeppni Evrópudeildarinnar í kvöld.
Blikinn byrjaði í liði Elfsborg á meðan Eggert Aron Guðmundsson sat á bekknum.
Elfsborg vann fyrri leikinn 3-0 og var því í góðri stöðu fyrir leikinn í kvöld.
Andri Fannar spilaði allan leikinn og skoraði þriðja mark Elfsborg en Eggert Aron kom ekkert við sögu.
Elfsborg mætir Sheriff frá Moldóvu í næstu umferð.
Guðmundur Þórarinsson þreytti frumraun sína með armenska liðinu Noah FC er liðið vann Shkendija, 2-1, í fyrstu umferð í forkeppni Sambandsdeildar Evrópu.
Hann samdi við liðið á dögunum og var á bekknum í síðasta leik en kom ekki við sögu. Í kvöld kom hann inn af bekknum þegar fimmtán mínútur voru til leiksloka.
Noah mætir Sliema Wanderers frá Möltu í annarri umferð.
Athugasemdir
