Lokeren heimsótti Eupen í belgísku úrvalsdeildinni í kvöld og var Ari Freyr í byrjunarliðinu. Hann var tekinn af velli á 86. mínútu, en þá var staðan 4-1 fyrir Eupen og endaði leikurinn þannig.

Eupen er í eigu Katara, Aspire akademían í Katar, sem sett var á laggirnar af ríkisstjórn Katar, keypti KAS Eupen árið 2012.

Íslenska landsliðið spilaði í Eupen í nóvember á síðasta ári og gerði þá 2-2 jafntefli gegn Katar.

Ari Freyr og félagar í Lokeren eru á botni belgísku úrvalsdeildarinnar með aðeins 14 stig eftir 22 leiki.