Ísak í leik með Keflavík sumarið 2018.
Varnarmaðurinn Ísak Óli Ólafsson mun leika með nýliðum Keflavíkur í Pepsi Max-deildinni í sumar.
Hann kemur til félagsins á láni frá SönderjyskE í Danmörku en danska félagið staðfestir þessi tíðindi í dag.
Klaus Rasmussen, starfsmaður SönderjyskE, segir að Ísak sé lánaður til þess að fá meiri mínútur á fótboltavellinum en félagið muni fylgjast vel með honum á Íslandi.
Hinn tvítugi Ísak er uppalinn hjá Keflavík en hann fór til SönderjyskE árið 2019.
Ísak hefur skorað tvö mörk í átta leikjum með U21 landsliði Íslands en hann var í gær valinn í hópinn sem fer á EM í Ungverjalandi í næstu viku.
Athugasemdir
