Enska úrvalsdeildarfélagið Chelsea staðfesti í kvöld félagaskipti Gonzalo Higuain frá Juventus. Hann er lánaður út tímabilið og á Chelsea möguleika á að kaupa hann þegar því lýkur.
Higuain er 31 árs gamall og hefur verið á mála hjá Juventus frá árinu 2016.
Hann hefur verið með bestu framherjum heims síðustu ár en hefur þó ekki riðið feitum hesti hjá AC Milan á þessu tímabili. Hann var lánaður þangað eftir að Cristiano Ronaldo gekk til liðs við Juventus frá Real Madrid.
Higuain er hins vegar mættur núna til Chelsea eftir að hafa staðist læknisskoðun en hann verður þó ekki með liðinu í síðari undanúrslitaleik enska deildabikarsins gegn Tottenham.
Chelsea á möguleika á því að kaupa Higuain í sumar fyrir 32,5 milljón punda.
Welcome to London and welcome to Chelsea, @G_Higuain! 🙌#HiguaIN pic.twitter.com/DMJN7z8YOL
— Chelsea FC (@ChelseaFC) January 23, 2019
Athugasemdir