Jose Mourinho, stjóri Tottenham, var ekki sáttur með Dele Alli í leiknum gegn Stoke City í deildabikarnum í gær.
Tottenham vann leikinn með þremur mörkum gegn einu og komst í undanúrslit bikarsins þar sem liðið mætir Brentford á heimavelli.
Stoke jafnaði leikinn í 1-1 eftir skyndisókn. Alli tapaði boltanum sem varð til þess að heimamenn fóru í sókn og skoruðu. Hann var ekki sáttur með Alli í því atviki.
„Hann er leikmaður sem spilar í þannig stöðu að hann á að tengja saman spil og búa til færi. Hann á ekki að búa til vandræði fyrir sitt eigið lið."
Hann brást illa við þegar Mourinho tók hann af velli í leiknum í gærkvöldi.
Dele Alli hefur lítið spilað fyrir Tottenham á þessari leiktíð og er hann að öllum líkindum á leiðinni burt frá félaginu.
Athugasemdir