Norska liðið Molde kom vægast sagt á óvart í kvöld þegar liðið sló út þýska liðið Hoffenheim í 32-liða úrslitum Evrópudeildarinnar. Staðan í einvíginu var 3-3 eftir fyrri leik liðanna í Noregi og mættust liðin í Sinsheim í kvöld.
Molde fór með 0-2 sigur af hólmi, liðið skoraði úr báðum þeim skotum sem liðið átti að marki andstæðinganna.
Molde fór með 0-2 sigur af hólmi, liðið skoraði úr báðum þeim skotum sem liðið átti að marki andstæðinganna.
Hoffenheim tókst ekki að skora þrátt fyrir 26 tilraunir að marki og níu tilraunir á markrammann. Heimamenn héldu boltanum 70% og fengu þrettán hornspyrnur gegn einni hjá gestunum.
Eirik Ulland Andersen skoraði bæði mörk Molde í kvöld og eitt markanna í fyrri leiknum.
Í fyrri leiknum voru yfirburðir þýska liðsins einnig miklir en þó ekki jafn miklir. 26-8 í skotum að marki og 13-4 í skotum á markið.
Björn Bergmann Sigurðarson byrjaði báða leikina hjá Molde og spilaði í kvöld rúman klukkutíma.
Athugasemdir