Þóroddur Hjaltalín formaður dómaranefndar KSÍ.
KA menn voru ósáttir við mark sem var dæmt af þeim í markalausa jafneflinu gegn KR í Pepsi Max-deildinni í gær.
Guðmundur Steinn Hafsteinsson skoraði mark á 80. mínútu leiksins eftir klaufagang í vörn KR. Í endursýningu sést að Ásgeir Sigurgeirsson truflar Beiti Ólafsson í marki KR þegar Guðmundur Steinn skorar.
Guðmundur Steinn Hafsteinsson skoraði mark á 80. mínútu leiksins eftir klaufagang í vörn KR. Í endursýningu sést að Ásgeir Sigurgeirsson truflar Beiti Ólafsson í marki KR þegar Guðmundur Steinn skorar.
Þóroddur Hjaltalín, formaður dómaranefndar KSÍ, segir að það sjáist í endursýningu að um réttan dóm sé að ræða.
„Ásgeir er í rangstöðu og hefur áhrif á Beiti með því að fara í hann. Með því að fara í Beiti þá truflar það hann. Þannig að þetta er hárrétt ákvörðun. Rangstaða," sagði Þóroddur við Fótbolta.net í dag.
Atvik úr leiknum voru sýnd í Sportpakkanum á Stöð 2 og má sjá þau hér að neðan. Þar má einnig sjá vítaspyrnudóm nokkrum mínútum eftir að markið var dæmt af. Kennie Chopart var þá dæmdur brotlegur og voru KR-ingar ósáttir við þann dóm. Beitir Ólafsson varði spyrnuna frá Guðmund Steini.
Sjá einnig:
Hallgrímur: Tel að löglegt mark sé tekið af okkur
Sjáðu dóminn sem KA var ósátt við - Mark dæmt af
Sjálfur er ég KA maður, en réttur dómur, sérðu hvar Ásgeir er þegar gummi tekur skotið, skil ekki hvað ásgeir er að vaða i markmannininn pic.twitter.com/GRhXYmoVVL
— Atli Geir Þorsteins (@AtliGe) July 26, 2020
Athugasemdir
