Brighton mun vinna Leeds auðveldlega í ensku úrvalsdeildinni um helgina að sögn fyrrum enska landsliðsmannsins Paul Merson.
Leeds hefur alls ekki byrjað tímabilið vel í ensku úrvalsdeildinni og tapaði síðasta leik gegn Tottenham 2-1 sem kom Merson á óvart eftir góðan fyrri hálfleik.
Þrátt fyrir að hafa verið hrifinn af frammistöðu liðsins í þeirri viðureign telur Merson að Leeds muni ekki sækja sinn þriðja deildarsigur á morgun.
„Leeds var stórkostlegt í fyrri hálfleiknum gegn Tottenham í síðustu viku og ég hélt að það væri ekki möguleiki að þeir myndu tapa," sagði Merson.
„Þeir voru hins vegar slakir í seinni hálfleik og þurfa að sýna meiri stöðugleika til að klifra upp töfluna."
„Leeds er miklu betra lið en þeir hafa sýnt í byrjun tímabils en þetta verður erfiður leikur. Brighton hefur staðið sig frábærlega undir Graham Potter og ég myndi veðja á að þeir taki þennan leik auðveldlega."
Athugasemdir