Sigurjón framlengir í Njarðvík

Sigurjón er 25 ára gamall miðvörður. Hann gekk til liðs við félagið frá Haukum sumarið 2022 og spilaði 16 leiki fyrir félagið þegar það tryggði sér sigur í 2. deildinni.

Hann kom við sögu í öllum leikjunum í sumar þegar liðið hélt sæti sínu í Lengjudeildinni.

„Það er mikið gleðiefni að halda Sigurjóni áfram í herbúðum Njarðvíkur og óskar Knattspyrnudeildin Sigurjóni til hamingju með nýja samninginn," segir í tilkynningunni frá Njarðvík.