Liverpool sigraði Newcastle með einu marki gegn engu.
Hinn 36 ára gamli James Milner var frábær í dag og hljóp mikið og var mikið í mönnum. Hann náði boltanum af Fabian Schar í aðdragandanum á markinu.
Jurgen Klopp var gríðarlega ánægður með Milner í leikslok.
„Hann var allt í öllu. Alveg ótrúlegur, hann gefur öllum hópnum orku, það er ekki auðvelt auk þess er hann topp fótboltamaður. Hann átti frábæran leik og mér leist mjög vel á marga leikmenn í dag," sagði Klopp.
Liverpool er á toppi deildarinnar í bili að minnsta kosti en Manchester City getur endurheimt toppsætið síðar í dag með sigri á Leeds United.
Athugasemdir
