Tottenham reyndi einnig að fá Ighalo í janúar en komst ekki að samkomulagi við Shanghai Shenhua.

Ighalo verður 31 árs í sumar og lék síðast fyrir Watford í ensku úrvalsdeildinni, þar sem hann skoraði 16 mörk í 55 leikjum. Í heildina gerði hann 39 mörk í 99 leikjum fyrir félagið.

Ighalo hefur verið iðinn við markaskorun í kínverska boltanum og þá gerði hann 16 mörk í 35 landsleikjum með Nígeríu, en lagði landsliðsskóna á hilluna í fyrra.

Shanghai vill lána Ighalo út til að minnka launareikninginn sinn, enda óljóst hvenær kínverska deildin fer af stað vegna kórónaveirunnar.

Fabrizio Romano, sem starfar meðal annars fyrir Sky og Guardian, greinir frá því að nú eigi félögin eftir að komast að samkomulagi.

Það eru aðeins rúmir tveir tímar eftir af félagaskiptaglugganum og spurning hvort United nái að landa Ighalo í tæka tíð.