Tómas Þór Þórðarson.
Ranieri verður rekinn.
Tómas Þór Þórðarson, íþróttafréttamaður hjá 365 og annar umsjónarmanna útvarpsþáttarins Fótbolti.net, ríður á vaðið þetta tímabilið og er spámaður fyrstu umferðar ensku úrvalsdeildarinnar. Boltinn byrjar að rúlla á morgun og það er spenna í lofti.
Manchester United 1 - 1 Tottenham (laugardag 11:45)
Tottenham kemst yfir með marki sem skrifast á vörn og markvörslu heimamanna. United sækir svo meira í seinni hálfleik og treður inn einu marki.
Bournemouth 2 - 0 Aston Villa (laugardag 14)
Það er alveg gefið að litla liðið, sem er reyndar mjög vel saman sett ef fólk skoðar það betur, vinni fyrsta leik og það á heimavelli. Villa-liðið mætir slakara til leiks en í fyrra. Hélt að það væri ekki hægt.
Everton 1 - 0 Watford (laugardag 14)
Sögulega fer ekkert lið í ensku úrvalsdeildinni verr af stað í fyrstu umferð en Everton. Það er heppið að fá "one and done"-nýliða Watford í heimsókn. Verður arfadapur fótboltaleikur held ég en Martínez mer sigur.
Leicester 1 - 2 Sunderland (laugardag 14)
Refirnir vinna ekki marga fótboltaleiki áður en Ranieri verður rekinn og vesenið hefst strax í fyrstu umferð þegar Adam Johnson og félagar ná í þrjú stig á King Power.
Norwich 1 - 3 Crystal Palace (laugardag 14)
Eru ekki allir búnir að poppa?
Chelsea 2 - 0 Swansea (laugardag 16:30)
Þó metið hans Mourinho hafi verið eyðilagt í fyrra er Chelsea ekkert mikið í því að tapa heimaleikjum. Svo sáum við alveg í fyrra að Swansea er ekki tilbúið í að vinna Chelsea á Brúnni. Þarf ekki alltaf að segja að Gylfi skori? Hann hamrar í slána og niður en marklínutæknin dæmir það úti. Verður samt bestur í liði Swansea.
Newcastle 2 - 2 Southampton (sunnudag 12:30)
Erfiður leikur að spá í. Ég trúi að Wally with a Brolly geri eitthvað hjá Newcastle. Að sama skapi hef ég áhyggjur af mínum mönnum í Southampton. Árni Hallgríms opnar tvær Tab því Dýrlingarnir komast tvisvar yfir en Newcastle jafnar í seinna skiptið í uppbótartíma.
Arsenal 3 - 0 West Ham (sunnudag 12:30)
Yfirlýsing frá Arsenal strax í fyrsta leik.
Stoke 1 - 2 Liverpool (sunnudag 15)
Ætti ekki að vera erfitt fyrir Brendan að peppa menn í leikinn. Hann þarf bara að setja spóluna í frá síðustu heimsókn og ýta á play. Erfiður útileikur að byrja á fyrir Liverpool en gott að klára heimsóknin á Brittania sem fyrst.
West Brom 0 - 2 Manchester City (mánudag 19)
The Albion verst og verst og verður voða skipulagt. Svo skorar City tvö mörk í frekar tíðindalitlum fótboltaleik.
Athugasemdir
