Annarri umferðinni í Pepsi-deildinni lauk í gærkvöldi. Eftir hverja umferð opinberum við úrvalslið sem sett er saman eftir áliti fréttaritar okkar á völlunum.
Rúnar Páll Sigmundsson er þjálfari umferðarinnar eftir 5-0 sigur Stjörnunnar á ÍBV. Stjörnumenn eru fjölmennir í liðinu því Daníel Laxdal, Jósef Kristinn Jósefsson, Alex Þór Hauksson og Hilmar Árni Halldórsson fá allir sæti þar eftir góða frammistöðu gegn Eyjamönnum.
Grindavík vann góðan 2-1 útisigur á Víkingi R. Gunnar Þorsteinsson lagði upp bæði mörk Grindvíkinga og Kristijan Jajalo var öflugur í markinu.
Guðjón Pétur Lýðsson og Dion Acoff voru bestu menn Vals í 4-2 sigri liðsins á ÍA á Akranesi.
Skúli Jón Friðgeirsson skoraði og var besti maður KR í 2-1 útisigri á Víkingi Ólafsvík. Hans Viktor Guðmundsson skoraði sigurmark Fjölnis gegn Breiðabliki með bakinu. Hans átti einnig góðan dag í vörninni.
Hallgrímur Mar Steingrímsson var síðan bestur hjá nýliðum KA í 2-2 jafntefli gegn FH á útivelli en hann skoraði fallegt mark beint úr aukaspyrnu.
Sjá einnig:
Lið 1. umferðar
Athugasemdir