Kristijan Jajalo er í markinu í þriðja skipti í sumar en hann hefur byrjað mótið frábærlega með Grindavík. Jajalo varði oft vel gegn KR í gær en þar skoraði hinn sjóðheiti Andri Rúnar Bjarnason eina markið úr vítaspyrnu sem hann fiskaði sjálfur.

FH vann gríðarlega mikilvægan 3-0 sigur á Stjörnunni á sunnudag og frammistaða þriggja leikmanna þar skilar þeim í úrvalsliðið. Um er að ræða þá Kassim Doumbia, Davíð Þór Viðarsson og mann leiksins Atla Guðnason.

Danski framherjinn Emil Lyng skoraði þrennu í 4-1 sigri Víkings Ólafsvíkur á KA en þar lagði Darko Bulatovic upp tvö mörk.

Arnþór Ari Atlason skoraði tvívegis í sigri Breiðabliks á ÍA og Alex Freyr Hilmarsson var bestur í liði Víkings R. í heimasigri á Fjölni. Sigurður Egill Lárusson og Bjarni Ólafur Eiríksson sköruðu síðan fram úr í liði Vals gegn ÍBV.

Sjá einnig:
Lið 5. umferðar
Lið 4. umferðar
Lið 3. umferðar
Lið 2. umferðar
Lið 1. umferðar