Ólafur verður í banni á fimmtudaginn.
Ólafur Jóhannesson, þjálfari Vals, hefur verið dæmdur í tveggja leikja bann í Evrópuleikjum. Þetta hefur Fótbolti.net fengið staðfest.
Ólafur fær bannið frá UEFA fyrir framkomu sína í lok seinni leiksins gegn Rosenborg í forkeppni Meistaradeildarinnar. Hann sýndi peningamerki upp í stúku.
Ólafur fær bannið frá UEFA fyrir framkomu sína í lok seinni leiksins gegn Rosenborg í forkeppni Meistaradeildarinnar. Hann sýndi peningamerki upp í stúku.
Valur tapaði einvíginu eftir rangan vítaspyrnudóm í uppbótartíma en frammistaða búlgarska dómarans Stefan Apostolov var í meira lagi vafasöm. Hann fékk mikla gagnrýni frá íslenskum og norskum fjölmiðlum eftir leikinn.
Ólafur verður því ekki á hliðarlínunni á fimmtudag þegar Valur leikur seinni leik sinn gegn Santa Coloma frá Andorra í forkeppni Evrópudeildarinnar. Valur tapaði fyrri leiknum óvænt 1-0 í Andorra.
Sigurbjörn Hreiðarsson, aðstoðarþjálfari Ólafs, stýrir Valsliðinu frá hliðarlínunni á fimmtudag.
Þá verður Ólafur einnig í banni í fyrri leiknum í næsta einvígi ef Valur kemst áfram.
Óli Jó þarf að vera aðeins þroskaðari en þetta, það eru til lélegir dómarar í heiminum. Alltaf farið i það að kenna mútum um. Valur fekk lika gefins víti, skandall samt sem áður pic.twitter.com/kuWVfS2ULu
— Aron Þrándarson (@aronthrandar) July 18, 2018
Athugasemdir
