Fullt nafn: Hektor Bergmann Garðarsson

Gælunafn: Tori

Aldur: 19 ára

Hjúskaparstaða: lausu

Hvenær lékstu þinn fyrsta leik með meistaraflokki og er eitthvað minnisstætt úr leiknum: minn fyrsti leikur var með kára á móti KFR. Ég spilaði með pabba og auðvitað skoraði ég eitt.

Uppáhalds drykkur: Pepsi max

Uppáhalds matsölustaður: Flamingo (kebab)

Uppáhalds tölvuleikur: Rainbow Six Siege

Áttu hlutabréf eða rafmynt: nei

Uppáhalds sjónvarpsþáttur: Reacher, mæli með

Uppáhalds tónlistarmaður: classic Drake eða brent faiyaz

Uppáhalds hlaðvarp: Betkastið

Uppáhalds samfélagsmiðill: instagram

Fyrsta síðan sem þú ferð á þegar þú opnar netið: snapchat

Fyndnasti Íslendingurinn: minn maður oskar wasilewski

Hvernig hljómar síðasta sms sem þú fékkst: Haukur Andri “ 2 mans í kvöld?”

Hvaða liði myndir þú aldrei spila með: KA

Besti leikmaður sem þú hefur mætt: hef ekki hugmynd því miður

Besti þjálfarinn sem hefur þjálfað þig: Siggi Jóns

Mest óþolandi leikmaður sem þú hefur mætt: markmaðurinn í víðir

Hver var fyrirmyndin þín í­ æsku: GG9 og Thierry Henry

Sætasti sigurinn: Kári vs Fylkir, alvöru hiti

Mestu vonbrigðin: þegar ég klúðraði víti á móti Þór í bikarnum

Uppáhalds lið í enska: Arsenal

Ef þú fengir að velja einn leikmann úr öðru íslensku liði í þitt lið: ég myndi velja Viktor Jóns.

Efnilegasti fótboltamaður/kona landsins: minn maður Haukur Haraldsson

Fallegasti fótboltamaðurinn á Íslandi: Erik Tobias Sandberg

Fallegasta fótboltakonan á Íslandi: no comment

Besti fótboltamaðurinn frá upphafi: Messi

Ein regla í fótbolta sem þú myndir breyta: það má varla koma við markmenn… alltof soft

Uppáhalds staður á Íslandi: heima hjá ömmu og afa á Skaganum

Segðu okkur frá skemmtilegu atviki sem gerst hefur í leik: heyrðu þegar ég spilaði með pabba og ég öskraði óvart “pabbi gefðu boltann” og varnarmaðurinn trúði ekki að hann væri pabbi minn.

Ertu með einhverja hjátrú tengda fótbolta: nei

Fyrir utan fótbolta, fylgist þú með öðrum íþróttum: ég fylgist stundum með handbolta og er mikill pílu aðdáandi.

Í hvernig fótboltaskóm spilar þú: nike phantom

Í hverju varstu/ertu lélegastur í­ skóla: íslensku!

Vandræðalegasta augnablik: það er oft vandræðalegt að klúðra dauðafæri.

Hvaða þremur leikmönnum byðir þú í mat og af hverju: Olivier Giroud , David Beckham og Neymar Jr. Ég myndi spyrja þá um beauty tips.

Bestur/best í klefanum og af hverju: ég myndi segja Marinó Hilmar og þór Llorens. Þeir sjá um að DJ fyrir leiki.

Hvern í liðinu þínu myndirðu velja til að taka þátt í sjónvarpsþáttaröð: Ég myndi taka Gísla Ottesen með mér á Love island, hann þarf reynslu

Sturluð staðreynd um sjálfan þig: er með eitt og hálft lunga

Hvaða samherji hefur komið þér mest á óvart eftir að þú kynntist honum og af hverju: heyrðu ég hélt að hann þór Llorens væri leiðinleg týpa áður en hann kom til Kára. en hann er það alls ekki, við erum mjög góðir félagar í dag.

Hverju laugstu síðast: kennaranum í skólanum. Ég sagðist vera búinn með verkefnið.

Hvað er leiðinlegast að gera á æfingum: löng upphitun

Ef þú fengir eina spurningu til að spyrja hvern sem er: Hver yrði spurningin og hvern myndiru spyrja: Alexis Sánchez “af hverju fórstu frá okkur, gast þú ekki verið aðeins lengur hjá Arsenal”

Einhver skilaboð til stuðningsmanna fyrir sumarið: mæta á völlinn takk!