„Þetta var bara frábær leikur," sagði Daníel Hafsteinsson leikmaður Víkinga eftir 8-0 sigur gegn Malisheva í forkeppni Sambandsdeildarinnar.
Lestu um leikinn: Víkingur R. 8 - 0 Malisheva
„Við byrjuðum leikinn mjög vel og það held ég skilaði sér á endanum. Þeir gáfust náttúrulega bara upp eftir fyrri hálfleikinn, og við vorum bara vel gíraðir. Það skilaði sér," sagði Daníel.
Þessi sigur er nú stærsti sigur sem íslenskt félagslið hefur náð í Evrópukeppni.
„Sölvi kom með þennan mola í hálfleik. Ég held það hafi bara verið fínt hjá honum að henda því inn. Það er bara geggjað að spila svona leiki, þegar maður getur bara kaffært þeim í pressu. Það er bara allt jákvætt við þetta, þetta var bara geggjað," sagði Daníel.
Daníel lagði upp fyrstu tvö mörkin í leiknum og bæði á Nikolaj Hansen.
„Það er fínt að geta sett boltan inn í og hafa hann til að stanga hann. Það gerir þetta auðvelt," sagði Daníel.
Víkingar mæta Vllaznia næst, en Daníel hefur ekki lagt það á sig að kynna sér það lið svona snemma.
„Ég hef bara ekki hugmynd, ef ég á að vera alveg hreinskilinn. Ég þekki þetta lið lítið, við föum örugglega að skoða þá eftir Vals leikinn. Þeir kasta sér alveg niður Kósavóarnir og ég hef heyrt að Albanarnir gera það líka. Þannig þetta verður bara skemmtilegt," sagði Daníel.
Viðtalið má sjá í spilaranum hér fyrir ofan.
