Haraldur Freyr Guðmundsson
Keflavík vann í kvöld afar dramatiskan sigur á liðið Fjölnis er liðin mættust í Lengjudeild karla í kvöld en lokatölur urðu 5-4 Keflavík í vil. Fátt stefndi þó í sigur Keflavíkur þegar um 10 mínútur voru eftir að venjulegum leiktíma en á þeim tímapunkti leiddu gestirnir úr Grafarvogi 4-2. Keflvíkingar bitu þá heldur betur í skjaldarrendur og uppskáru að lokum 5-4 sigur sem fyrr segir. Haraldur Guðmundsson þjálfari þeirra var því að vonum nokkuð létt í leikslok.
Lestu um leikinn: Keflavík 5 - 4 Fjölnir
„Hörku fótboltaleikur hérna í Keflavík á föstudagskvöldi. Frábærar aðstæður og bæði liðin að reyna spila sóknarbolta. 5-4 sigur og ég er hrikalega ánægður með endurkomuna og það var frábært að vinna þennan leik.“
Sóknarleik buðu liðin vissulega upp á en fyrir gamlan varnarjaxl eins og Harald var varnarleikurinn varla boðlegur eða hvað?
„Nei hann var alls ekki boðlegur. Það gengur ekki upp á 45 mínútum á heimavelli að við séum að fá á okkur þrjú mörk. Við fórum vel yfir það í hálfleik og nokkur vel valin orð voru látin falla og menn voru staðráðnir í að gera betur.“
Þegar skammt var til leiksloka leiddi Fjölnir sem fyrr segir 4-2. En sagt er að mörk breyti leikjum og það geta varamenn svo sannarlega gert líka en þrír varamenn gerðu þrjú mörk á um 8 mínútna kafla fyrir Keflavík og tryggðu þeim þar með sigurinn.
„Eigum við ekki að segja að þetta hafi verið inná skiptingar í heimsklassa? “
Gengi Keflvíkur til þessa í sumar hefur verið nokkuð brokkgengt. Liðinu var spáð velgengni en liðinu hefur gengið illa að finna stöðugleika. Eru menn í Keflavík að meta tímabilið til þessa sem vonbrigði?
„Ja og nei. Fyrir mót settum við okkur það markmið að vinna deildina og til vara að fara í umspilið og komast þannig upp og markmiðin okkar voru klár og skýr að fara upp um deild. Þegar mótið var svo hálfnað vorum við staðráðnir í því að endurskoða okkur og fókusa á að komast í umspilið og taka einn leik í einu. “
Sagði Haraldur en allt viðtalið við hann má sjá hér að ofan.
Athugasemdir
