Gerard Pique og liðsfélagar hans hjá Barcelona voru tilbúnir til að fresta launagreiðslum til að geta fengið Neymar til sín frá PSG í sumar.
Ekkert varð úr skiptunum en Neymar hélt því ekki leyndu að hann vildi skipta um félag.
Pique tjáði sig um Neymar í viðtali á dögunum og sagði þar að hann hafi reynt að stöðva Neymar frá því að ganga í raðir PSG fyrir tveimur árum.
„Við vöruðum hann við félagaskiptunum til PSG. Við sögðum honum að hann væri á leið í fangelsi sem er búið til úr gulli," sagði Pique.
„Þessi félagaskipti sönnuðu að það getur allt gerst í fótboltaheiminum."
Athugasemdir