Ole Gunnar Solskjær og lærisveinar hans fengu Aston Villa í heimsókn á Old Trafford í dag, þar var niðurstaðan 2-2 jafntefli.
Solskjær var skiljanlega svekktur þegar hann mætti í viðtal að leik loknum.
„Við spiluðum ekki eins og lið í dag, við verðum að gera betur. Þessir strákar eiga enn margt eftir ólært og þeir munu taka framförum."
„Við náðum aldrei stjórn á leiknum en við getum ekki gert neitt í því núna. Við þurfum að vinna saman sem lið til að taka framförum. Aston Villa fékk full margar skyndisóknir fyrir minn smekk," sagði Solskjær.
Manchester United er í 9. sæti með 18 stig þegar 14. umferðir eru að baki í ensku úrvalsdeildinni.
Athugasemdir