Stuðningsmaður Inter sem fylgdi liðinu á útileik gegn Cremonese í gær átti mögulega versta dag lífs síns.
Hann var með öðrum ultras stuðningsmönnum Inter fyrir aftan mark sinna manna í fyrri hálfleik en Emil Audero, sem lék hjá Inter á láni tímabilið 2023-24, var á milli stanga Cremonese. Hann færði sig yfir á hinn vallarhelminginn fyrir seinni hálfleikinn og var þá með stuðningsmenn Inter bakvið sig.
Fyrrnefndur stuðningsmaður Inter ákvað að kveikja í litlum flugeldi og kasta honum að Audero, þar sem hann sprakk. Audero kastaði sér í jörðina við hvellinn.
Federico Dimarco, Lautaro Martínez og Alessandro Bastoni leikmenn Inter voru fljótir að Audero þar sem hann lá í jörðinni og skömmuðu stuðningsmennina. Christian Chivu þjálfari blandaði sér líka í málið og tók undir skammir lærlinga sinna.
Sökudólgurinn fannst ekki strax en hann ákvað að bregða á það ráð að kveikja í öðrum flugeldi. Honum mistókst þó að kasta flugeldinum frá sér og sprakk hann í höndum mannsins sem missti tvo eða þrjá fingur í leiðinni.
Eftir að upp komst um manninn réðust aðrir stuðningsmenn Inter að honum og lömdu hann á meðan hringt var á sjúkrabíl.
Núna er viðkomandi staddur á spítala í Cremona þar sem hann verður handtekinn við útskrift.
Inter getur búist við 50 þúsund evru sekt fyrir atvikið og gæti stjórn ítölsku deildarinnar ákveðið að refsa stuðningsmönnum með því að loka 'ultras' hluta stúkunnar hjá Inter í næsta heimaleik, sem er Ítalíuslagurinn svokallaði gegn Juventus.
Leikmenn Inter og forseti félagsins fordæmdu hegðun stuðningsmannsins eftir leik, en hann getur einnig átt von á lífstíðarbanni frá ítalska boltanum.
Inter vann leikinn og trónir sem fyrr á toppi ítölsku deildarinnar.
01.02.2026 19:13
Ítalía: Nico Paz klúðraði - Inter vann
Stöðutaflan
Ítalía
Serie A - karlar
Ítalía
Serie A - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Inter | 26 | 21 | 1 | 4 | 62 | 21 | +41 | 64 |
| 2 | Milan | 26 | 15 | 10 | 1 | 41 | 19 | +22 | 55 |
| 3 | Napoli | 26 | 15 | 5 | 6 | 39 | 27 | +12 | 50 |
| 4 | Roma | 25 | 15 | 2 | 8 | 31 | 16 | +15 | 47 |
| 5 | Juventus | 26 | 13 | 7 | 6 | 43 | 25 | +18 | 46 |
| 6 | Como | 26 | 12 | 9 | 5 | 41 | 19 | +22 | 45 |
| 7 | Atalanta | 26 | 12 | 9 | 5 | 36 | 22 | +14 | 45 |
| 8 | Sassuolo | 26 | 10 | 5 | 11 | 32 | 35 | -3 | 35 |
| 9 | Lazio | 26 | 8 | 10 | 8 | 26 | 25 | +1 | 34 |
| 10 | Bologna | 25 | 9 | 6 | 10 | 34 | 32 | +2 | 33 |
| 11 | Udinese | 25 | 9 | 5 | 11 | 28 | 38 | -10 | 32 |
| 12 | Parma | 26 | 7 | 9 | 10 | 18 | 31 | -13 | 30 |
| 13 | Cagliari | 26 | 7 | 8 | 11 | 28 | 35 | -7 | 29 |
| 14 | Genoa | 26 | 6 | 9 | 11 | 32 | 37 | -5 | 27 |
| 15 | Torino | 26 | 7 | 6 | 13 | 25 | 47 | -22 | 27 |
| 16 | Cremonese | 25 | 5 | 9 | 11 | 21 | 33 | -12 | 24 |
| 17 | Lecce | 26 | 6 | 6 | 14 | 17 | 33 | -16 | 24 |
| 18 | Fiorentina | 25 | 4 | 9 | 12 | 29 | 39 | -10 | 21 |
| 19 | Pisa | 25 | 1 | 12 | 12 | 20 | 42 | -22 | 15 |
| 20 | Verona | 26 | 2 | 9 | 15 | 19 | 46 | -27 | 15 |
Athugasemdir
