Enska úrvalsdeildarfélagið Sheffield United hefur gert samning við Jack Rodwell út tímabilið. Rodwell hefur æft með liðinu undanfarnar vikur og kemur á frjálsri sölu.
Þessi 28 ára fyrrum leikmaður Everton, Manchester City og Sunderland var síðast hjá Blackburn Rovers.
Rodwell var mikið efni á sínum tíma en ferill hans náði ekki þeim hæðum sem búist var við. Hann verður löglegur á sunnudag þegar Sheffield mætir utandeildarliðinu AFC Fylde í þriðju umferð FA-bikarsins.
Rodwell hlaut mikla gagnrýni þegar hann var hjá Sunderland en í heimildarþáttaröð um liðið fékk hann að heyra það fyrir að neita að yfirgefa félagið og þiggja himinhá laun þrátt fyrir að vera óleikfær vegna meiðsla.
„Það eru tvær hliðar á þessari sögu. Það er mikið af bulli sem hefur verið sagt um Jack. Í heimildarþáttaröðum er alltaf verið að leita að skúrkum," segir Chris Wilder, stjóri Sheffield United.
"I'm absolutely buzzing. I've been training here the last few weeks and the lads and staff have been brilliant"
— Sheffield United (@SheffieldUnited) January 3, 2020
Jack Rodwell is delighted to be a Blade, the 28 year old has earned a 6 month deal having impressed boss Chris Wilder and his staff.#SUFC 🔴
Athugasemdir