Það var draumur að rætast fyrir Tierney að fara til Arsenal, en hann segir að það hafi samt sem áður verið mjög svo erfitt að yfirgefa Celtic eftir 15 ára veru hjá félaginu.

„Ég myndi segja að yfirgefa Celtic hafi verið erfiðasta ákvörðun sem ég hef tekið á ævinni," sagði Tierney er hann svaraði spurningum á Reddit.

„Ég vissi alltaf að ég myndi sakna Celtic hvað sem myndi gerast í lífinu. En tækifærið að spila fyrir Arsenal var áskorun sem ég hlakkaði alltaf til."

Meiðsli hafa sett strik í reikninginn hjá Tierney á tímabilinu og hefur hann aðeins spilað 11 leiki í heildina fyrir Arsenal.