Jurgen Klopp, stjóri Liverpool, var auðvitað hæstánægður með 5-0 sigur á Atalanta í Meistaradeildinni í kvöld.
Úrslit kvöldsins:
Meistaradeildin: Jota og Liverpool fóru á kostum
Úrslit kvöldsins:
Meistaradeildin: Jota og Liverpool fóru á kostum
„Þetta var frammistaða sem við þurftum á að halda í kvöld. Strákarnir mínir spiluðu ótrúlega," sagði Klopp í samtali við BT Sport.
Klopp var ánægður með flestallt í leik síns liðs. „Við vinnum leikinn 5-0 og við hefðum getað skorað fleiri mörk, en markvörður okkar þurfti líka að verja þrisvar sinnum mjög vel."
Diogo Jota skoraði þrennu og þeir Sadio Mane og Mohamed Salah voru einnig á skotskónum.
„Ég held að enginn geti varist gegn Sadio Mane, Mo Salah og Diogo Jota þegar þeir eru í þessum ham. Þetta snerist ekki um taktík eða okkar leikkerfi, þetta snerist um liðið okkar."
Næsti leikur Liverpool er gegn Man City í deildinni. „Nítíu prósent af leikmönnum mínum eru að fara að spila þrjá landsleiki eftir City leikinn. Ég verð sá eini sem fer í frí eftir helgina. Við sjáum hvernig við jöfnum okkur. City er öðruvísi lið og við verðum að vera tilbúnir fyrir þann leik."
Athugasemdir