„Síðan faðir minn gaf mér fyrstu PlayStation tölvuna sem barn þá hefur þetta verið önnur ástríða hjá mér. Ég spila alltaf fótbolta í tölvunni," sagði Jota í viðtali við The Athletic.

„Í heimi tölvuleikja þá get ég sameinað þrjá hluti - ástríðu mína fyrir fótbolta, keppni gegn öðru fólki og að stýra einhverju. Þú getur átt frábæra tíma í þessu heimi ef þú spilar af ábyrgð. Það er hægt að vera atvinnumaður í þessu en í mínu lífi er þetta algjört áhugamál. Ég á tíma til að gera aðra hluti líka."

Í apríl stóð enska úrvalsdeildin fyrir keppni í FIFA 20 á meðal liða í deildinni. Hvert lið sendi einn fulltrúa til keppni og Jota vann mótið fyrir Wolves. Hann sigraði Trent Alexander-Arnold, leikmann Liverpool í úrslitum.

„Ég held að Arnold vilji hefna fyrir þetta svo við sjáum hvað gerist í næsta leik hjá okkur. Ég hef ekki spilað á móti liðsfélögum mínum hjá Liverpool ennþá. Við höfum ekki verið með nægilegan tíma út af öllum leikjunum sem við erum að spila."