„Tækifæri fyrir Rangnick að sanna sig í stærstu deildinni"

Rangnick

Mynd: EPA

Saul

Mynd: EPA

Rangnick

Mynd: EPA

Thomas Tuchel, stjóri Chelsea, sat fyrir svörum á fréttamannafundi fyrir leik Chelsea gegn West Ham. Leikurinn er á morgun og fer fram á heimavelli West Ham.

Hann var spurður hvort hann hefði rætt við Ralf Rangnick sem tekinn er við stjórnartaumunum hjá Manchester United út tímabilið.

Tuchel er samlandi Rangnick og þekkjast þeir vel.

„Nei, ég hef ekki rætt við hann. Ég hefði svo sem ekki sagt annað en til hamingju, ekki gefið honum nein ráð," sagði Tuchel.

„Það þarf enginn ráð frá mér. Ég hef nóg að gera með að stýra Chelsea. Menn eru mismunandi og núna er tækifæri fyrir Rangnick að sanna sig hjá mjög stóru félagi í stærstu deildinni," sagði Tuchel.

Hann var einnig spurður út í Saul Niguez sem hefur alls ekki náð að stimpla sig inn í liðið hjá Chelsea.

„Hann er enn að aðlagast, gegn Watford fékk hann spjald snemma leiks og vildi ekki fara af fullum krafti í návígi, vildi ekki taka neina sénsa."

„Ég get séð fyrir mér að hann geti leyst stöðu vængbakvarðar því hann er mjög góður að mæta í teig andstæðinganna. Mögulega þurfum við að prófa það í næsta leik því Chilly [Ben Chilwell] er lengi frá og við getum ekki látið Marcos Alonso spila alla leiki," sagði Tuchel.

Saul

Mynd: EPA

Stöðutafla

#	Lið	L	mun	Stig
1	Arsenal	38	+44	85
2	Manchester City	38	+42	78
3	Manchester Utd	38	+19	71
4	Aston Villa	38	+7	65
5	Liverpool	38	+10	60
6	Bournemouth	38	+4	57
7	Sunderland	38	-6	54
8	Brighton	38	+6	53
9	Brentford	38	+3	53
10	Chelsea	38	+6	52
11	Fulham	38	-4	52
12	Newcastle	38	-2	49
13	Everton	38	-3	49
14	Leeds	38	-7	47
15	Crystal Palace	38	-10	45
16	Nott. Forest	38	-3	44
17	Tottenham	38	-9	41
18	West Ham	38	-19	39
19	Burnley	38	-37	22
20	Wolves	38	-41	20