Lið vikunnar í enska - Þrír með þrennu

Markvörður: Jordan Pickford (Everton) Bjargaði því að Everton fór með stig heim af Bramall Lane.

Varnarmaður: Cristian Romero (Tottenham) - Spurs fékk á sig tvö mörk gegn Burnley en Romero gerði mark úr hæsta gæðaflokki.

Varnarmaður: Kurt Zouma (West Ham) - Var mjög flottur í þægilegum sigri West Ham gegn Luton.

Varnarmaður: Joe Worrall (Nottingham Forest) - Lenti í miklu áfalli þegar hann missti frænda sinn í síðustu viku en ákvað samt að spila gegn Chelsea og gerði það óaðfinnanlega.

Miðjumaður: Dominik Szoboszlai (Liverpool) - Hefur þurft lítinn tíma til að koma sér af stað í ensku úrvalsdeildinni, virkilega öflugur leikmaður.

Miðjumaður: Declan Rice (Arsenal) - Skoraði markið sem skipti öllu máli í frábærum sigrii gegn Manchester United.

Miðjumaður: Martin Ödegaard (Arsenal) - Skoraði einhverjum 35 sekúndum eftir að Man Utd komst yfir, glæsilegt mark hjá fyrirliðanum.

Miðjumaður: James Maddison (Tottenham) - Virðist elska það að spila fyrir Spurs.

Sóknarmaður: Son Heung-min (Tottenham) - Hefur verið í lægð svolítið lengi en er að fara vel af stað núna og skoraði þrennu gegn Burnley.

Sóknarmaður: Evan Ferguson (Brighton) - Aðeins 18 ára gamall að skora þrennu í ensku úrvalsdeildinni. Hvað varst þú að gera á þessum aldri?

Sóknarmaður: Erling Haaland (Man City) - Eins og hver annar dagur á skrifstofunni hjá Norðmanninum, þrenna.