Furðuleg meiðsli eiga sér reglulega stað í fótboltanum en Courtney Baker-Richardson, leikmaður Crewe Alexandra í ensku D-deildinni, hljóta að vera með þeim undarlegustu til þessa.
Baker-Richardson, sem er 26 ára, samdi við Crewe í sumar og hefur slegið í gegn.
Hann hefur gert 6 mörk í 11 leikjum síðan hann kom frá Newport County, en hann verður ekki með um helgina.
Framherjinn meiddist er hann var að spila tölvuleik í Xbox-tölvunni sinni á dögunum og verður því fjarri góðu gamni.
„Þetta var voðalega saklaust eitthvað, sem eiginlega svolítið lýsandi miðað við meiðslin sem eru hjá okkur í augnablikinu. Hann meiddist við að spila Xbox. Fóturinn datt af sófanum og það snérist upp á hann," sagði Alex Morris, stjóri Crewe.
Athugasemdir