Sigurður Víðisson stýrði KV seinni hluta síðustu leiktíðar eftir að Sigurvin Ólafsson hætti til að gerast aðstoðarþjálfari FH. Sigurvin hafði komið KV upp í Lengjudeildina, en liðið féll úr þeirri deild í fyrra.

Það er vonast til að þjálfaramálin hjá félaginu verði komin á hreint innan skamms.

„Við tókum okkur gott frí. Lengjudeildarverkefnið í fyrra var stórt og mikið, og mjög krefjandi. Við gáfum okkur góðan tíma í að fara yfir öll mál eftir Lengjudeildina," segir Auðunn Örn Gylfason, formaður KV, um þjálfaramálin.

„Þjálfaramálin voru komin langt í desember en við missum síðan af viðkomandi sem ætlaði að taka við og erum settir niður á núllpunkt. Við erum að vinna í þessum málum. Það eru tveir þjálfarar með liðið sem stendur en við erum ekki komnir með fastan aðalþjálfara. Það er í vinnslu og vonandi leysist það á næstu dögum. Við tilkynnum það um leið og það verður klappað og klárt."

Liðið hefur hafið undirbúningstímabil sitt. „Æfingar hófust formlega í janúar. Það er allt saman farið af stað."

STUÐNINGSSVEIT
FÓTBOLTA.NET

Komdu í hópinn!

Framlag lesenda skiptir máli til að halda úti Fotbolti.net.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit