Davide Zappacosta skoraði frábært mark fyrir Atalanta
Atalanta 2 - 1 Cremonese
1-0 Nikola Krstovic ('13 )
2-0 Davide Zappacosta ('25 )
2-1 Morten Thorsby ('90 )
1-0 Nikola Krstovic ('13 )
2-0 Davide Zappacosta ('25 )
2-1 Morten Thorsby ('90 )
Atalanta er sjö stigum frá Meistaradeildarsæti eftir að hafa unnið nýliða Cremonese, 2-1, í Seríu A á Ítalíu í kvöld.
Nikola Krstovic og Davide Zappacosta skoruðu mörk Atalanta með tólf mínútna millibili.
Krstovic gerði frábærlega á 13. mínútu er hann tók á móti fyrirgjöf Giacomo Raspadori í teignum, sneri sér við og setti boltann í vinstra hornið.
Markið hjá Zappacosta var ekkert síðra. Hann fékk sendingu úti hægra megin, lék á varnarmann Cremonese áður en hann hamraði boltanum í fjærhornið. Áhugamenn um enska boltann þekkja Zappacosta vel eftir tíma hans hjá Chelsea þar sem hann vann enska bikarinn og Evrópudeildina.
Danski leikmaðurinn Morten Thorsby tókst að klóra í bakkann fyrir Cremonese á lokasekúndunum, en fleiri urðu mörkin ekki.
Cremonese er án sigurs í síðustu tíu leikjum og er í 16. sæti með 23 stig en Atalanta vann dýrmætan sigur í baráttunni um Meistaradeildarsæti. Liðið er í 7. sæti, sjö stigum frá Meistaradeildarsæti.
Athugasemdir
