Rio Ferdinand.
Manchester United goðsögnin Rio Ferdinand segist stundum þurfa að nota hjólastól vegna meiðsla sem hann varð fyrir á meðan hann spilaði fótbolta.
Ferdinand var um árabil einn besti miðvörður fótboltaheimsins. Hann er í dag talinn einn besti miðvörður í sögu ensku úrvalsdeildarinnar.
Ferdinand var um árabil einn besti miðvörður fótboltaheimsins. Hann er í dag talinn einn besti miðvörður í sögu ensku úrvalsdeildarinnar.
Hinn 47 ára gamli Ferdinand segir leikmannaferilinn hafa tekið stóran toll af líkamlegri heilsu sinni. Hann lýsti því nýverið í samtali við Men's Health UK.
„Ég var að taka verkjatöflur og sprautur í sex ár til að spila. Það hefur haft mikil áhrif á mig. Ég á daga þar sem ég mjög slæmur í bakinu og þarf að leggjast inn á spítala eða vera í hjólastól í nokkra daga," sagði Ferdinand.
Ferdinand, sem starfar í dag við að gera fótboltaumræðumyndbönd á Youtube, segist vera að leggja aukna áherslu á það núna að bæta líkamlega heilsu sína með sjúkraþjálfara.
Athugasemdir
