Guðrún Arnardóttir spilaði þá með Hammarby í 0-1 útisigri gegn Sporting í Evrópubikarnum. Þetta var fyrri leikur liðanna en Guðrún gekk nýverið í raðir Hammarby eftir stutta dvöl hjá Braga í Portúgal.

Eyþór hjálpaði Tómasi
Í Skotlandi gerði Motherwell 1-1 jafntefli við Rangers, frábær úrslit þar hjá Eyþóri Martin Björgólfssyni og félögum. Eyþór kom inn af bekknum og lagði upp Motherwell í lokin en þeir voru einum færri þegar þeir jöfnuðu.

Eyþór er fæddur og uppalinn í Jessheim í Noregi, en faðir hans er íslenskur. Hann er stór og stæðilegur eða um 1,93 sm á hæð og raðaði inn mörkum með Umeå í Svíþjóð á síðustu leiktíð. Það varð til þess að Motherwell samdi við hann.

Rangers er í öðru sæti skosku úrvalsdeildarinnar, núna fimm stigum á eftir Hearts. Það má því með sanni segja að Eyþór hafi hjálpaði Tómasi Bent Magnússyni í kvöld en Tómas er leikmaður Hearts sem er að berjast fyrir því vinna skoska meistaratitilinn.

Viktor vann en illa gekk á Ítalíu, Hollandi og í Grikklandi
Það gekk lítið upp hjá Íslendingunum í Grikklandi í kvöld. Hörður Björgvin Magnússon lék með Levadiakos í tapi gegn OFI Crete. Hörður og félagar voru einum fleiri lengi vel en nýttu ekki liðsmuninn. Svo spilaði Sverrir Ingi Ingason í tapi Panathinaikos gegn PAOK í sömu keppni.

Það er sömu sögu að segja frá Hollandi og Ítalíu. Í Hollandi töpuðu Íslendingaliðin Go Ahead Eagles og NEC Nijmegen. Alfons Sampsted byrjaði hjá Go Ahead Eagles í tapi gegn Heerenveen og Stefán Ingi Sigurðarson kom inn af bekknum. Þá kom Willum Þór Willumsson inn af bekknum í tapi NEC gegn Utrecht.

Kristófer Jónsson spilaði allan leikinn í 4-0 tapi Triestina gegn Renate. Hans menn eru á botni síns riðils í C-deildinni á Ítalíu.

Svo að lokum þá vann FC Kaupmannahöfn 2-1 sigur á Viborg í danska bikarnum. Þetta var fyrri leikur liðanna í undanúrslitum en Viktor Bjarki Daðason byrjaði og spilaði allan tímann fyrir FCK. Ísak Andri Sigurgeirsson kom inn af bekknum hjá Viborg í seinni hálfleik og Rúnar Alex Rúnarsson var ónotaður varamaður hjá FCK.