Alan Curbishley og Eggert Magnússon eftir að Eggert réð hann til West Ham á sínum tíma.
Charlton Athletic ætlar að endurnefna stúku á heimavelli sínum, The Valley Stadium, í höfuðið á fyrrum leikmanni sínum og knattspyrnustjóra, Alan Curbishley.
Austurstúkan á vellinum mun bera heitið 'Alan Curbishley stúkan, frá og með næsta tímabili.
Hinn 63 ára gamli Curbishley spilaði 98 leiki fyrir Charlton sem leikmaður og var í 15 ár sem knattspyrnustjóri liðsins, frá 1991 til 2006.
„Það kom mér mjög á óvart þegar ég frétti þetta. Charlton hefur spilað stórt hlutverk í mínu lífi og þetta er mikill heiður fyrir mig," sagði Curbishley um tíðindin.
Curbishley kom Charlton upp í úrvalsdeildina þegar hann var stjóri þar og var uppi frá 2000 til 2007. Félagið er núna í C-deildinni.
Athugasemdir
