Kevin De Bruyne hefur spilað sinn síðasta leik fyrir Manchester City en samningurinn hans rann út eftir tímabilið.
Þessi 33 ára gamli miðjumaður hefur ekki lagt árar í bát og ætlar að spila áfram á hæsta stigi. Félög í MLS deildinni í Bandaríkjunum og frá Sádi-Arabíu höfðu áhuga á honum.
Greint hefur verið frá því að hann sé á leið til Napoli en Fabrizio Romano greinir frá því að hann muni gangast undir læknisskoðun á morgun og í kjölfarið verður hann leikmaður ítalska liðsins.
Romelu Lukaku, leikmaður Napoli og samherji De Bruyne í belgíska landsliðinu er sagður hafa átt sinn þátt í að sannfæra landa sinn um að ganga til liðs við félagið.
Athugasemdir
